(¯`·._.·[OSCaR]·._.·´¯)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حيث يكمل رؤيا العالم من هنا

  • الرئيسية
  • البوابة
  • أحدث الصور
  • التسجيل
  • دخول

أجمل الأبوذيات

(¯`·._.·[OSCaR]·._.·´¯) :: القسم الشعر

اذهب الى الأسفل

جديد أجمل الأبوذيات

مُساهمة من طرف IRAQI_LL2BD الأحد يوليو 13, 2008 7:34 pm

على راسي اعتني بيتك واجيلك
لأن بس انته أحترمك واجلك
حسنك منوجد بهلك وجيلك
وعبرته ليوسف بحسنك شوية
==============
إلك بس انته هل دمعي والك صاب
والك ساس بوسط روحي والك صب
سهم هجرك دخل گلبي ولك صاب
دليلي وصار طشارة بدية
==============
بغيابك تيهت صومي والامساك
وصباحك مايكفيني ولامساك
ألف هنيالي اذا شمك ولمساك
واطفي بشمتك نار اللي بيه
==============
يجزعك لاتظن گلبي ويملاك
وجمالك منوجد مثله ويملاك
لون مال انجمع عندي ويملاك
وبدونك فلس مايسون إليه
==============
أحلفنك تگلي الصدگـ بالله
منو مثلي بچه والثوب بالله
فراگك زيدالي الطين بله
وفوگـ اهموم حط اهموم بيه
==============
ابلهيب الشوگـ كل اعظاي وجن
وتيهت السنين المضن والجن
مثلك ماشفت بالإنس والجن
جلت قدرته السواك اليه
==============
شلون اتخون وانته احلفت بايات
مزلاگه اطلعت مو درج بايات
تريد اتروح مو بس باي بايات
واليرجع ألف نعله اعله ابيه
==============
تدري اشگد الك گلبي ولع ظام
زغار اجروحي يهونك والعظام
أموتن واندفن واعتگ والعظام
يزحفلك زحف لو صحت اليه
==============
أگوم اجلالا لحسنك وقف لك
واسجل گلبي ياخلي وقف لك
وحطك بي وقفلنه وقفلك
وطب بصدري واقفلكم عليه
==============
فال الخير مامره فوالي
وحبك شحن دلالي فوالي
إذا ماعاجبك فاشطح فولي
بس بشرط خنولي سويه
==============
الدنيه ألف صورة لاقطلها
وابد ماصرت ثعلب لاقط الها
أنه اقلامي اتركتها لاقط الها
شكتب بعد مايقرون بيه
==============
شعجب دفتر عشگنه ماتگلبه
وليش انته اليگلبك ماتگلبه
أنه گلبي بغيابك مات گلبه
گلب گلبي توفه وعم عليه
==============
بسهم حبك دليلي اليوم ينصاب
والك تمثال نص الگلب ينصب
واذا گلبك عليه ايريد ينصب
أحب نصبك ولك أنصب عليه
==============
بچيت وسال دمع العين وشل
وبعدك من يتچي الحمل وشل
إنته اللي تخيط الفتگ وشل
الدهر خوان ماخلاك اليه
==============
عيني لو بچت ياگلب خلها
بسبب چي رحل من الدار خلها
افراگه كل جميع اعضاي خلها
على خوي الرحل وابعد عليه
==============

IRAQI_LL2BD
اوسكاري شغلة يخبل
اوسكاري شغلة يخبل

عدد الرسائل : 58
العمر : 33
الموقع : https://oscar.all-up.com
sms : <!--- MySMS By AlBa7ar Semauae.com --><form method="POST" action="--WEBBOT-SELF--"> <!--webbot bot="SaveResults" u-file="fpweb:///_private/form_results.csv" s-format="TEXT/CSV" s-label-fields="TRUE" --><fieldset style="padding: 2; width:208; height:104"> <legend><b>My SMS</b></legend> <marquee onmouseover="this.stop()" onmouseout="this.start()" direction="up" scrolldelay="2" scrollamount="1" style="text-align: center; font-family: Tahoma; " height="78">???? ??? ??????? ??????? ? ???? ?? ???? ???? ?? ???? ????????</marquee></fieldset></form><!--- MySMS By AlBa7ar Semauae.com -->
تاريخ التسجيل : 13/07/2008

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

(¯`·._.·[OSCaR]·._.·´¯) :: القسم الشعر

 
صلاحيات هذا المنتدى:
لاتستطيع الرد على المواضيع في هذا المنتدى